АҚШнинг Огайо штати Юклид шаҳри полицияси маҳаллий аҳоли вакилларидан бирини қўлга олди. Фуқаро собиқ қўшнисининг уйига мунтазам равишда ҳужум қилиб келганликда айбланмоқда. Бу ҳақда “Gazeta.ru” хабар бермоқда.
30 ёшли Жейсон Козан бир йил давомида қўшниси 85 ёшли Альберт Клеменснинг уйига қарата тухум, лимон, лайм ва грейпфрут улоқтирган. Унинг ўзи мазкур айбловни рад этмоқда. Козаннинг қўшнисига нисбатан салбий муносабатининг сабаблари ҳозирча маълум эмас. Безорилик ва маданиятсизликда айбланаётган фуқаро узоқ давом этган текширувлардан сўнг ҳибсга олинган. У қўшнисининг уйига 2014 йил май ойидан 2015 йил июнь ойига қарата егулик улоқтирган.
Ҳозирда Козаннинг ишини суд кўриб чиқмоқда.
