ЖССТ раҳбари одамларда маймунчечак тарқалишидан хавотирда эканлигини яна бир бор таъкидлаб, 18 июлдан бошлаб ҳафта давомида ушбу масала бўйича фавқулодда йиғилиш ўтказмоқчи.
"Мен маймунчечак вирусининг кўлами ва тарқалишидан хавотирдаман", - дейди Гебрейесус.
Шу муносабат билан ЖССТ раҳбари фавқулодда йиғилиш чақирилишини эълон қилди. Унда инқироз жиддийлигини баҳолаш режалаштирилган. Йиғилиш 18 июлдан бошлаб ўтказилади.
Маълум қилинишича, шу кунгача 58 та давлатда 6 мингдан ортиқ касаллик ҳолати қайд этилган.
Эслатиб ўтамиз, Ўзбекистонда шу кунга қадар маймун чечаги қайд этилгани йўқ. Сал аввал Санитария-эпидемиологик осойишталик ва жамоат саломатлиги хизмати бошлиғи ўринбосари Нурмат Отабеков мамлакатда ЖССТ тавсияларидан келиб чиқиб инфекциянинг кириб келмаслиги учун зарур чоралар кўрилаётганини билдирганди.
Дилбар Абдунабиева.
