Россия бош дипломати Сергей Лавров Украинани “нацистларнинг тоталитар давлати” деб атади. Россия Федерацияси Ташқи ишлар вазирлиги раҳбари 22 сентябрь, пайшанба куни Бирлашган Миллатлар Ташкилоти Хавфсизлик Кенгаши йиғилишида сўзлаган нутқида шундай баёнот берди.
Лавровнинг айтишича, у "Киев режими" деб атаган ҳозирги Украина ҳукумати гўёки рус тилини бузади ва рус тилида сўзлашувчи украиналикларнинг ҳуқуқларини чеклайди. Шунингдек, россиялик бош дипломатнинг айтишича, Украинада рус тилида нашр этилган китоблар йўқ қилинмоқда.
Россия ТИВ раҳбарининг сўзларига кўра, ҳозир Украинадаги вазият Адолф Гитлер бошчилигидаги нацистлар ҳокимият тепасига келган Германиядаги вазиятга ўхшайди.
Лавров шунингдек, замонавий Украина ва фашистлар Германияси ўртасида тенглик белгиси ҳам қўйилиши керак, деб ҳисоблайди, чунки 2014 йилдан бери кўплаб украиналиклар миллатчи баталонларда хизмат қилмоқда. Аммо сиёсатчи бу атама билан Украинадаги қайси тактик бирликларни назарда тутганини аниқламади.
Шунингдек, Лавров БМТ мажлислар залида Қадр-қиммат инқилобини "тўнтариш" деб атади ва 2014 йилда Украинада Виктор Янукович ҳукумати ағдарилгани туфайли ҳозир “Донбасс аҳолиси ўлдирилмоқда”, деди.
Эслатиб ўтамиз, 20 сентябрь куни Нью-Йоркда (АҚШ) БМТ Бош Ассамблеясининг 77-сессияси иш бошлади. Бир неча йил ичида биринчи марта у офлайн режимда ўтказилмоқда. Олдинги йилларда иштирокчи давлатлар вакиллари COVID-19 пандемияси туфайли онлайн тарзда сессиялар ўтказишга мажбур бўлган. Бош Ассамблеянинг 77-сессияси 26 сентябрь куни якунланади.
Маълумот учун, Россия ташқи ишлар вазири Лавров БМТ Бош Ассамблеясида иштирок этиш учун махсус самолётда Нью-Йоркка учган эди. Россия ташқи ишлар вазири ва унинг делегацияси аъзолари сўнгги дақиқада Америка визаларини олди. Қайд этилишича, АҚШда Россия ТИВ раҳбари билан 20 га яқин учрашувлар ўтказиш режалаштирилган.
15.03.2023, 10:55
2023 йил 13 март куни Инсон ҳуқуқлари бўйича Ўзбекистон Республикаси Миллий марказида Бирлашган Миллатлар Ташкилотининг Инсон ҳуқуқларибўйича Олий комиссари Фолькер Тюрк билан учрашув бўлди. Учрашувда Ўзбекистонда инсон...01.02.2023, 11:14
Россия Ташқи ишлар вазири Сергей Лавров Қозоғистонда “иккинчи Украина” ташкил этилиши ҳақидаги саволга жавоб берди.“Яна бир бор таъкидламоқчиманки, Россия-Қозоғистон иттифоқининг янада ривожланишига қарши бўлганларнинг барча...13.10.2022, 12:43
Бирлашган Миллатлар Ташкилоти Бош Ассамблеяси Москвадан Украинанинг Донецк, Запороже, Луганск ва Херсон вилоятларининг айрим вилоятларининг мақоми ҳақидаги қарорларни бекор қилишни талаб қилди. Бу ҳақда БМТнинг...24.09.2022, 09:48
Президент Владимир Зеленский Украина БМТ Бош Ассамблеясида ўзининг “тинчлик формуласини, халқаро муносабатларни барқарорлаштиришнинг ўзига хос йўлини” таклиф қилганини айтди ва “буни дунё албатта эшитганига” ишонтирди....