Гроссмейстер Жавоҳир Синдаров Ҳиндистоннинг Гоа шаҳрида бўлиб ўтаётган жаҳон чемпионатининг ярим финалида ҳамюрти Нодирбек Ёқуббоевни тай-брейк босқичида мағлуб этиб, ўзбек шахмати тарихида илк бор Даъвогарлар турнирида иштирок этиш ҳуқуқини қўлга киритди.
Ўзбекистонликларнинг дастлабки икки классик ўйини дуранг билан якунланди. Аммо 19 ёшли Синдаров тезкор ўйинда ғалаба қозонди ва иккинчи ўйинда дуранг ўйнади (1,5:0,5) ва финал йўлланмасини ҳамда амалдаги жаҳон чемпиони учун рақибни аниқлайдиган асосий саралаш турнирига автоматик йўлланмани қўлга киритди.
Финалда Синдаров хитойлик Вей Йига қарши кортга чиқади.
Нодирбек Ёқуббоев эса учинчи ўрин учун баҳсда нейтрал байроқ остида дона сураётган Андрей Есипенко билан тўқнаш келади. Бу ўйин ғолиби ҳам жаҳон шахмат тожига даъвогарларнинг 2026 йилги турнирига йўл олади.
Агар Ёқуббоев учинчи ўрин учун баҳсда ғалаба қозонса, Ўзбекистон Даъвогарлар турнирининг иккита иштирокчисини қўлга киритиши мумкин, бу жуда кам учрайдиган ҳодиса.
Финал ўйинлари 24−26 ноябрь кунлари бўлиб ўтади.Барча ўйинлар Тошкент вақти билан 14:30да бошланади.
Синдаров ва Ёқуббоев аввалроқ Даъвогарлар турнирига йўлланма олиш ўзбек шахматчиларининг 2004 йилда жаҳон чемпиони бўлган Рустам Қосимжоновдан кейинги энг муҳим ютуғи эканлигини таъкидлаган эди.
