Россияда мамлакатни тарк этган россияликлар учун имтиёзларни бекор қилиш ва солиқ ставкасини ошириш тўғрисидаги қонун лойиҳаси ишлаб чиқилмоқда. Бу ҳақда бугун, 25 декабр куни Давлат Думаси спикери Вячеслав Володин ўзининг Телеграм-каналида маълум қилди.
"Юртимизни тарк этганларнинг қайтиши учун уларга имтиёзлар бериш керак, деб ҳисоблайдиганлар ҳам бор.
Бу тўғри эмас.
Улар нима учун қочиб кетишганини бутунлай тушунарли.
Хато қилганини тушунган одам аллақачон қайтиб келган.
Қолганлари тушуниши керакки, жамиятнинг катта қисми уларнинг қилмишини қўллаб-қувватламайди – улар ўз ватанига, қариндош-уруғларига, дўстларига хиёнат қилган деб ҳисоблайдилар.
Аммо бугунги кунга қадар кетганлар нафақат Россия компанияларида масофадан туриб ишлашади, балки мамлакатимиз қонунчилигига мувофиқ уларга берадиган барча имтиёзлардан фойдаланадилар.
Россия Федерациясидан чиқиб кетганлар учун имтиёзларни бекор қилиш ва улар учун оширилган солиқ ставкасини жорий этиш тўғри. Бу адолатли бўлади. Биз қонунчиликка тегишли ўзгартиришлар киритиш устида ишлаяпмиз",–Вячеслав Володин.
