Бухоро шаҳрида ўқув биносининг ертўла қисмида чақнаш содир бўлди. Ҳолат юзасидан вилоят ФВБ расмий маълумот берди.
Маълум қилинишича, 4 январь куни соат тахминан 00:52 ларда Бухоро шаҳри, “Олим Хўжаев” МФЙ Мустақиллик кўчасида жойлашган, ўқув марказ сифатида фойдаланиб келинган 50/3-уйнинг ертўласида чақнаш содир бўлган. Бунинг оқибатида ертўладаги 3 дона эшик ромлар жойидан силжиган ва 70 кв.м майдонда том қисми пластик қопламаси зарарланган.
Чақнаш оқибатида жабрланган ва тан жароҳати олганлар йўқ. Ҳозирда чақнаш сабаблари аниқланмоқда.
