Россиянинг Перм шаҳридаги қурилиш компанияларидан бири мушукни ишга қабул қилди. Янги ходимнинг лақаби Барсик, деб ёзади “Вести”.
Мушукнинг йиллик даромади 400 минг рубль ва унга шахсий ҳайдовчи ҳам ажратилган.
Жорий ҳафта бошидан мушук иш бошлади. Унинг мажбуриятларига селфи тушиш ва ўзининг ижтимоий тармоқлардаги микроблогларини юритиш киради. Унинг иш графиги эркин.
Мушукнинг эгаси Василий Кучумовнинг айтишича, компания ва мушук ўрптаисда шартнома имзоланган ва ҳайвоннинг мажбуриятлари шартномада айтиб ўтилган. Маълумотларга кўра, шартномани мушукнинг ўзи “имзолаган” яъни қоғозга панжа изини босган.
Яхши ишга эга бўлиш учун Барсик анча тер тўкди. Сентябрь ойи бошида қурилиш компанияси рекламаси учун уй ҳайвонлари ўртасида кастинг эълон қилган эди. Шундан сўнг юзлаб уй ҳайвонларининг суратлари электрон почта орқали қабул қилинди. Кастинг натижасида компаниянинг рекламасида суратга тушиш учун айнан Барсик танлаб олинди.
