АҚШда ўтказилаётган аччиқ таом ейиш бўйича танлов иштирокчиларидан бири кўнгли айниётгани сабаб шифохонага ётқизилди. Шифокорларнинг аниқлашича, америкалик эркакнинг ошқозонида аччиқ таом оқибатида 3 сантиметрлик тешик ҳосил бўлган, деб ёзади “Вести”.
Эркак Чили қалампири қўшилган гамбургер еганидан сўнг унинг кўнгли айний бошлаган. Қалампирнинг бу нави эса ҳозирги кунга қадар дунёдаги энг аччиқ қалампир ҳисобланади. Мусобақанинг ўзиданоқ уни тез ёрдам олиб кетган. Ошқозонида тешик аниқлангач, эркак тезда операция қилинди. У 23 кун давомида шифохонада даволанди.
