Россиялик сиёсатчининг фикрига кўра, ушбу мамлакатга меҳнат муҳожирларининг кириб келиши нафақат жиноятчиликнинг кучайишига, балки пулнинг хорижга чиқиб кетишига ҳам сабаб бўлмоқда.
Сиёсатшунос Алексей Ярошенко Тожикистон, Ўзбекистон, Қирғизистон ва Туркманистонга пул ўтказмалари учун мажбурий комиссия жорий этиш, шунингдек, ушбу республикалардан ташриф буюрувчиларнинг банк карталарига хизмат кўрсатиш тўловини оширишни таклиф қилди.
Бугун Россияда, Ярошенконинг фикрича, муҳожирлар билан жиддий муаммолар мавжуд. Ички ишлар вазирлиги маълумотларига кўра, 2022 йил охирида мамлакатда бир вақтнинг ўзида оила аъзоларини ҳисобга олмаганда 3,5 миллиондан ортиқ қонуний меҳнат муҳожири бўлган. Ўтган йили Марказий Осиёдан келган муҳожирлар икки миллионга яқин меҳнат патентини беришган.
Сўнгги бир неча йил ичида ноқонуний муҳожирлар сони йилига ўртача 800 мингдан ортиқ бўлиб қолмоқда. 3,5 миллион расмий рўйхатга олинганларидан ташқари, яна бир миллионга яқини ноқонуний ҳисобланади.
2022 йилда оғир ва ўта оғир жиноятлар, жумладан, мигрантлар томонидан содир этилган қотилликлар сони 21 фоизга ошган. Қамоқхоналарда 30 мингдан ортиқ хорижлик бор.
“Ҳамма маҳбусларнинг деярли 7 фоизи бу ерга келиб, ишлаш ўрнига жиноят содир этиб, қамоққа тушиб қолган муҳожирлардир. Уларни жазони ижро этиш тизимида сақлаш ҳар йили Россия бюджетига 500 минг рублни ташкил қилади. Умумий харажатлар йилига 15 миллиард рублни ташкил қилади”, - дейди сиёсатшунос.
Миграция соҳасидаги вазият бир қанча муаммоларни келтириб чиқарди, дея қўшимча қилди Ярошенко.
“Булар бошқа менталитет ва бошқа маданиятдаги одамлар эканлиги аниқ ва улар мослашмайди. Уларни мослаштириш учун уларнинг давлати ҳам, бизники ҳам ҳеч нарса қилмаяпти", деди у.
