Тўқсонбоева мусобақани 3 соат 22 дақиқа 20 сонияда якунлаб, биринчи бўлиб маррага етиб келган. Унинг ғолиблиги Қозоғистон терма жамоасига Осиё ўйинларидаги тўққизинчи олтин медални олиб келиши керак эди.
Бироқ мусобақа якунланганидан сўнг спортчининг натижаси бўйича протест берилган. Мусобақа баённомасида унинг натижаси қаршисида “Protested” белгиси пайдо бўлган.
Маълум бўлишича, рақиблар Тўқсонбоева мусобақада кийган “ASICS” спорт пойабзали модели World Athletics’нинг расмий рухсат этилган пойабзаллар рўйхатига мос келиш-келмаслигини баҳс остига қўйган.
Шундан сўнг қозоғистонлик спортчининг натижаси бекор қилинган ва у терма жамоа ҳисобига қўшилиши керак бўлган олтин медалдан маҳрум бўлган.
Тўқсонбоева якуний қарор эълон қилинишидан аввал ижтимоий тармоқдаги саҳифасида, ҳатто ундан олтин медаль олиб қўйилган тақдирда ҳам, қайтиб келиб, уни яна қўлга киритишини айтган.
