Исроил мудофаа вазири Йоав Галант Ҳамас Ғазо сектори устидан назоратни йўқотгани ва жанубга чекинаётганини айтди, деб ёзди The Times of Israel.
“ҲАМАСнинг Исроил армиясини тўхтата оладиган кучлари йўқ. Ҳамас Ғазо устидан назоратни йўқотди. Улар жанубга қочди”, - дейди у.
Сўнгги кунларда Исроил армияси Ҳамас туннелларига қарши фаолликни кучайтирди, деди Галант.
Баёнотдан сўнг Исроил матбуоти Ғазодаги Ҳамас парламенти залида Исроил байроқлари билан турган жангариларнинг суратини чоп этди.
Исроил мудофаа кучларининг фикрича, Ҳамас энди Ғазо сектори шимолидаги уюшган ҳарбий куч эмас.
“Айни дамда Исроил армияси қуруқликдаги кучларини Ғазо сектори шимолида жамламоқда. Бунинг доирасида Исроил мудофаа кучларининг қуруқликдаги бўлинмалари ҲАМАСнинг бир неча батальонлари жойлашган ҳудудларда жанг олиб бормоқда. Батальонлар тезкор жанговар салоҳияти бўйича катта зарар кўрди ва ҳақиқатда Ғазо секторининг шимолий қисмидаги ҲАМАС ҳарбий тузилмалари уюшган тузилмалар сифатида фаолиятини тўхтатди”, — дейилади Исроил армияси матбуот хизмати хабарида.
