Исроил Ғазо секторида тинч аҳоли очлигидан қурол сифатида фойдаланмоқда. Бундай баҳо Нью-Йоркда жойлашган Human Rights Watch (HRW) инсон ҳуқуқлари ташкилоти томонидан берилган. Бу ҳақда "ТАСС" хабар бермоқда.
"Икки ойдан ортиқ вақт давомида Исроил Ғазо аҳолисини озиқ-овқат ва сувдан маҳрум қилмоқда, бу Исроилнинг юқори мартабали амалдорлари томонидан қўзғатилган ёки маъқулланган уруш сиёсати ва тинч аҳолини очликдан ўлдириш ниятини акс эттиради", деди 'ксперти Умар Шакир.
Маълумотларга кўра, Исроилнинг юқори мартабали амалдорлари, жумладан, Мудофаа вазири Ёав Галлант, Миллий хавфсизлик вазири Итамар Бен-Гвир ва Энергетика вазири Исроил Катз, Ғазо тинч аҳолисини озиқ-овқат, сув ва ёқилғидан маҳрум қилиш мақсадида очиқ баёнотлар билан чиқишган - бу сиёсатни акс эттирувчи баёнотлардир. Исроилнинг бошқа расмийлари Ғазога инсонпарварлик ёрдами ё ҲАМАС томонидан ноқонуний равишда ушлаб турилган гаровга олинганларнинг озод этилишига ёки ХАМАСнинг йўқ қилинишига боғлиқ бўлишини очиқ айтди.
HRW халқаро гуманитар ҳуқуқ фуқароларнинг очликдан қурол сифатида фойдаланишни тақиқлаганини ва яҳудий давлати 1949 йилги Женева конвенциясига кўра уруш вақтида фуқароларни ҳимоя қилиш бўйича анклавдаги тинч аҳолини озиқ-овқат ва дори-дармон билан таъминлашга мажбур эканлигини таъкидлайди.
"Дунё етакчилари Ғазо халқи учун ҳалокатли оқибатларга олиб келадиган бу даҳшатли уруш жиноятига қарши чиқишлари керак", деди Шокир. У Исроилни анклавга сув ва электр энергиясидан фойдаланиш имкониятини тиклашга ҳамда озиқ-овқат, тиббий ёрдам ва ёқилғини Ғазога, жумладан Керем Шалом ўтиш жойи орқали олиб ўтишга рухсат беришга” чақирди.
