Покистоннинг Дера Исмоил Хон шаҳрида юз берган портлаш оқибатида 11 киши ҳалок бўлди, яна 30 киши жароҳатланди. Бу ҳақда UsNews хабар берди.
Маълум қилинишича, портлаш 26 сентябрь куни мамлакатнинг шимоли-ғарбидаги Хайбер-Пахтунхва вилоятининг Даразинда ҳудудида, Аман Мела яқинида содир бўлган.
Ҳодиса жойига қутқарувчилар етиб бориб, жароҳатланганларга тиббий ёрдам кўрсатган ва уларни шифохонага олиб кетган.
Портлаш учун жавобгарликни “Теҳрик-и-Толибон Покистон” (“Покистон Толибонлари”) қуролли гуруҳи ўз зиммасига олган.
Дера Исмоил Хон Афғонистон билан чегарадош ҳудудларга яқин жойлашган бўлиб, шаҳарда аввал ҳам полиция ва хавфсизлик кучларига қарши ҳужумлар содир этилган.
