2023 йил давомида дунё бўйлаб бир қанча рекордлар қайд этилди. Бу сафар ҳам инсонлар “энг...энг...энг...” деган эътирофга сазовор бўлиш учун “чегараларни бузиб ўтиш”да, янги марраларн забт этишда давом этганини кўриш мумкин. “Имконсиз нарсанинг ўзи йўқ” эканини намоён этувчи янги рекордчилар билан таништирамиз.
“АВВАЛ ТАОМ, КЕЙИН КАЛОМ”
Энг катта пицца тайёрланди
Pizza Hut – энг катта пицца “Гиннес рекордлари китоби”дан аввал ҳам жой олган: 2012 йил Римда NIPfood компанияси 1261.6 кв. метрли пицца тайёрлаган. Бу сафар ташаббус Лос-Анжелесдаяшовчи блогер Эрик Деккердан чиқди. Унинг YouTube’даги саҳифаси 10 млн обуначига эга. Бунга у Pizza Hut компанияси билан биргаликда 1 299.7 кв. метрлик улкан пицца тайёрлаб, эришди. Таомга 6 минг 192 кг хамир, 2 минг 244 кг ширинсоус, 3 минг 991 кг пишлоқ ва 630 минг 496 бўлакпепперони (колбаса тури) ишлатилди. Усти кўкат ва зираворлар билан безатилиб, пиширилди. Рекорд расман тасдиқлангач, пицца бўлакларга бўлиниб, хайрия ташкилотларига тарқатилди.
“СОЧ ЭМАС БУ – ШАРШАРА”
32 йилдан бери ўсаётган соч 2 метрдан ошиб кетди
Ҳиндистоннинг Уттар-Прадеш штатида яшовчи 46 ёшли Смита Шривастава 14 ёшидан буён сочини ўстириб келади. Бу йил унинг сочи узунлиги 236,22 см (7 фут 9 дюйм)га етиб, дунё рекордига эришди.
Смитанинг илҳомлантирувчиси онаси бўлади. Шунингдек, унинг ўзи 80-йиллар ҳинд актрисаларининг узун ва жилоли сочларига ҳавас қилиб келган.
“Ҳинд маданиятида аёлларнинг сочи узун бўлиши одатга айланган. Соч кесишга яхши иш эмас, деб қаралган, шунинг учун аёллар доим уни ўстирган. Узун сочлар – аёлларнинг чиройидир”, –дейди рекордчи.
Узун сочларга парвариш ҳам керак. Смита сочларини ювиб қуритиш, тараш ва турмаклашга ҳар куни 3 соатгача вақт сарфлайди. Унинг қўшимча қилишича, тўкилган сочларини ҳам 20 йилдан бери тўплаб келади. Энди у Гиннеснинг рекордчилари сафидан жой олганидан мамнун.
“ҲИСОБДА АДАШСАНГ ҲАМ, ҲАЁТДА АДАШМА”
Калькулятор-одам рекорди
Иорданиялик 51 ёшли Муҳаммад Саяхин гап жумласидаги ҳарфларни тезда санаб бериш қобилияти билан “Гиннес рекордлари китоби”га кирди. У 10 та гапда нечта ҳарф борлигини 35,5 сония ичида айтди. Ҳарфларни ҳисоблаётганида ақлий концентрация ва бармоқларининг сезгирлигига таянишини маълум қилган.
Рекордчи 11 йил олдин “Arabs Got Talent”телесериалида қобилиятини намойиш этиб, танилганди.
“Мен гапдаги ҳарфларни санашни мактаб пайтида бошлаганман. Ҳамма болалар шундай қилолади, деб ўйлардим. Математика ўқитувчим бундай эмаслигини, менда қобилият борлигини айтгач, тушунганман”, – дейди Муҳаммад Саяхин.
“ҲАЁТ КУРАШИШДАН ИБОРАТ”
Рекордларга “тўймас” спортчи
Буюк Британияда яшовчи 18 ёшли Том Енохспортнинг фитнес тури билан шуғулланади ва мураббийлик қилади. У сўнгги бир неча йилда “Гиннес рекордлари китоби”нинг 24 та сертификатини қўлга киритган. Том Гиннеснинг юлдузига айланган, дейиш ҳам мумкин.
У Даун синдроми касаллиги билан оғрийди. Унинг спортга меҳри бўлакча. Ҳозиргача ўтириб туриш, “отжимания” машқларини бажаришда юқори натижаларни қайд этиб келмоқда.
