АҚШ фуқароси Давид Руш бир дақиқада учта олмани 198 марта тишлаб, Гиннеснинг рекордлар китобига кирди. Бу ҳақда zamon.uz хабар бермоқда.
Рекорд жорий йилнинг 24 июнь куни Буюк Британиянинг Лондон шаҳрида қайд этилган.
Эътиборлиси, рекордлар ишқибози учта олмани жонглёрлик билан салкам 200 марта тишлаб кўпчиликни ҳайрон қолдирган.
“Агар ўз олдингизга мақсад қўйсангиз, ўзингизга ишонсангиз ва унга иштиёқ билан интилсангиз, деярли ҳамма нарсага эриша оласиз. Барча нарсанинг иложи бор”, деган у ўз интервьюсида.
