Ўзбекистоннинг янги элчиси Алишер Тўхтаев бугун Покистон Ташқи ишлар вазирлиги протокол департаменти бош директори Типу Усманга ишонч ёрлиқлари нусхаларини топширди.
Суҳбат чоғида томонлар ўзаро манфаатли соҳаларда Ўзбекистон- Покистон муносабатларини янада ривожлантириш масалаларини муҳокама қилдилар.
Типу Усман Покистон томони Ўзбекистон билан ҳам икки томонлама, ҳам кўп томонлама асосда ўзаро манфаатли ҳамкорликни янада кенгайтиришга тайёрлигини таъкидлади.
Ўзбекистоннинг янги тайинланган элчиси 6 октябрь куни Исломободга ташриф буюрган эди. Алишер Тўхтаев 2021–2024 йилларда Ўзбекистоннинг Покистондаги элчиси лавозимида ишлаб келган Ойбек Усмонов ўрнига тайинланди.
