Биткоиннинг нархи тарихда биринчи марта Binance биржасида 100 минг доллардан ошди. Ноябрь ойида АҚШ президенти сайловларида Дональд Трамп ғалаба қозонгандан сўнг криптовалюта нархи кўтарила бошлади. Ўша пайтда нарх 68 минг доллар атрофида эди ва бир ой ичида бир неча тарихий рекордни ўрнатди.
Бундай ўсиш Трампнинг криптовалюта бозори ҳақидаги баёнотлари билан боғлиқ. Хусусан, у АҚШни “сайёранинг крипто пойтахти”га айлантириш ва биткоин захирасини тўплашга ваъда берганди.
Агар криптовалюта келажакни белгилайдиган бўлса, мен унинг майнинг қилиниши, зарб этилиши ва ишлаб чиқарилиши АҚШда бўлишини хоҳлайман, деган эди Трамп.
Ноябрь ойида мутахассислар Трампнинг биткоин нархини кўтаришдаги алоҳида хизматини таъкидладилар. Сиднейдаги АТФХ Глобал бозор таҳлилчиси Ник Твидейл айтишича, бўлажак президент бу соҳани қўллаб-қувватламоқда, криптовалютанинг ўзи эса, чамаси, етарлича баҳоланмаганди.
Трамп сиёсати бошқа давлатларнинг АҚШдан ўзиб кетишга уриниб, биткоинларни сотиб олишни бошлаш эҳтимолини оширмоқа, дейди Астронаут Cапитал крипто-валюта активларини бошқариш компанияси бош инвестиция директори Метю Дибб.
Биткоин нархининг ошиши фонида майнинг ва криптовалюталар савдоси билан шуғулланувчи компанияларнинг акциялари ҳам кўтарила бошлади.
Нима учун битсоин нархи ошмоқда?
Криптовалюта бозори Трампнинг ваъдалари амалга оширилишини кутмоқда. Криптобозор ўсишининг яна бир омили АҚШ Федерал захирасининг асосий фоиз ставкасини пасайтириш йўлидаги ҳаракати бўлди. Ўзгаришлар биткоин каби юқори хавфли активларнинг инвестицион жозибадорлигини оширади.
Шунингдек, кечиктирилган ҳалвинг эффекти криптобозорга таъсир қилган бўлиши мумкин. Бу ҳодиса криптовалюта майнинги тезлигини икки баравар пасайтиради, бу эса вақт ўтиши билан унинг танқислигига олиб келади. Кузатишлар тарихи шуни кўрсатадики, ўзгаришлар танга курсини кескин оширади.
Ўсишда давом этиш биткоиннинг энг кўп капиталлашган активлар рейтингида юқорига кўтарилишида ёрдам беради. Бироқ етакчиликни бой бермайдиган олтинга етиб олиш қийин.
