“Голливуднинг олтин эраси” деб аталувчи машҳурлар тоифасига мансуб, америкалик машҳур киноактёр Кирк Дуглас ўзининг 100 ёшини нишонлайди, деб хабар берди “Тengrinews.kz” нашри.
У бир асрлик юбилейини ўзининг Лос-Анжелесдаги вилласида нишонлашни режалаштирган. Кечани актёрнинг ўғли Майкл Дуглас ва унинг рафиқаси Кэтрин Зета-Жонслар ташкиллаштиради ва 200 нафар меҳмон таклиф этилиши кўзда тутилган. “Ҳозир мен учун энг асосийси соғ-саломат бўлиш ва байрамда яхши кўринишда намоён бўлишдир”, деди Кирк Дуглас.
Кирк Дуглас 1916 йилда АҚШнинг Нью-Йорк штатида келиб, асли келиб чиқиши россиялик бўлган камбағал оилада дунёга келган. У болалигида муҳожир саналганлиги туфайли жуда оғир ҳаётни бошдан кечирган. Кирк Дуглас официант, газета тарқатувчи, юк ташувчи ва бошқа қора ишларни бажарувчи ишчи бўлиб ишлаган. У ўзини саҳнада синаб кўриш мақсадида Америка драма санъати академиясига ўқишга кирган ва шундан кейин актёрлик карьераси бошланган.
Кирк Дуглас хайрия ишларида фаол иштирок этади. У ўзининг 99 ёшини нишонлаётганда Альцгеймер касаллигига чалинган қариялар учун 15 миллион долларни ҳадя этганди.
