АҚШнинг сайланган президенти Дональд Трамп NBC телеканалида икки йиллик танаффусдан сўнг эфирга узатиладиган The Celebrity Apprentice реалити-шоусида продюсерлик қилаверади. Мазкур реалити-шоуда таниқли актёр Арнольд Шварйнеггер бошловчилик қилади, деб хабар беради “РИА Новости”.
Трамп 2004 йилдан бошлаб кўплаб реалити-шоуларга продюсерлик қилади. NBC телеканалида намойиш этилган ва Трамп бошловчилик қилган “Ўқувчи” реалити-шоуси баланд рейтингга эга бўлган ва уч маротаба Emmy мукофотига даъвогарлик қилган. Миллиардер бир неча йиллар мобайнида The Celebrity Apprentice реалити шоусига бошловчилик қилган.
Трампнинг исми-шарифи дастур муаллифи Марк Бёрнеттнинг исмидан сўнг экранда пайдо бўлади. Ундан сўнг эса шоунинг ижрочи продюсери ва бошловчиси Арнольд Шварцнеггер таништирилади.
