Ироқ парламенти “Шахсий мақом” тўғрисидаги қонунга ўзгартиришлар киритди, бу эса исломий судларга оилавий масалаларда, жумладан, никоҳ, ажралиш ва мерос бўйича кўпроқ ваколатлар беради. Бу ҳақда Тhe Guardian ёзмоқда.
Ироқда амалдаги қонун никоҳ учун минимал ёшни 18 ёш деб белгилайди. Янги қабул қилинган ўзгаришлар эса никоҳ ёшини диний тартибларга кўра белгилаш имкониятини беради.
Фикрларга кўра, бу Жаъфарий шиа ҳуқуқий тизимига мувофиқ, қизларнинг ўсмирлик ёшидаёқ, ҳатто 9 ёшда ҳам, турмушга берилишига сабаб бўлади. Қайд этиш жоизки, Ироқдаги кўплаб шиа диний етакчилари Жаъфарий ҳуқуқий тизимига амал қилади.
