Ташқи кўриниши АҚШнинг амалдаги президенти Барак Обамага ўхшашлиги билан танилган 30 ёшли хитойлик актёр Сяо Цзиго мамлакатнинг янги президенти Дональд Трамп Оқ Уйга кўчиб ўтганидан сўнг ишсиз қолишдан хавотир оляпти, деб ёзади “Вести”.
Сяо Цзиго илк марта 2012 йилда Барак Обама образида ТВда чиқиш қилган. У Барак Обамага кўпроқ ўхшаш учун бир қатор пластик операцияларни бошдан ўтказган.
Сяо актёрлик фаолиятини давом эттираверади, бироқ унинг тахминича, Обама президентлик лавозимини тарк этганидан сўнг иш топиш бироз қийинлашади.
Цзигонинг айтишича, нима бўлишидан қатъий назар у эришган машҳурлиги учун Барак Обамадан миннатдор.
Маълумот учун, Дональд Трампнинг ҳам қиёфадоши бор. АҚШ телевидениесида намойиш этилган шоулардан бирида Дональд Трамп образини актёр Алек Болдуин яратган.
