Қайси ҳудудда аҳоли ва корхоналарга энг кўп кредит берилгани очиқланди. Бу ҳақда Марказий банк хабар берди.
Маълум қилинишича, Республика бўйича ажратилган барча кредитларнинг тўртдан уч қисми Тошкент шаҳри ҳиссасига тўғри келмоқда
2025 йил 1 август ҳолатига кўра, Ўзбекистон банкларидаги жами кредит қолдиғи 576,2 трлн сўмни ташкил этди (2024 йил мос даврида 500,6 трлн сўм бўлган). Фоизли қарзларнинг 392,5 трлн сўмини давлат, 183,7 триллион сўмини хусусий банклар ажратган.
Август ойи бошида аҳолига берилган кредитлар қолдиғи 201,8 трлн сўм, корхоналарники 374,4 трлн сўм бўлган.
Ҳудудлар кесимида энг кўп кредитлар Тошкент шаҳридаги аҳоли ва корхоналарга ажратилган — 286,4 трлн сўм. Бу республикадаги жами кредитларнинг деярли тўртдан уч қисми ҳисобланади. Пойтахтда аҳолининг жами кредитлари қолдиғи 65,7 трлн сўм, корхоналарники 220,6 трлн сўмни ташкил этмоқда.
Кейинги ўринларда кредитлар улуши нисбатан юқори ҳудудлар Фарғона (28,4 трлн сўм), Тошкент (27,6 трлн сўм) ва Самарқанд (27,5 трлн сўм) вилоятлари бўлган.
Энг кам кредит қолдиғи Сирдарё вилоятида қайд этилган — 15 трлн сўм.
