Давлат хавфсизлик хизмати ва тегишли идоралар ҳамкорлигида ўтказилган тезкор тадбирда, МЧЖга тегишли манзилда яширин цех фаолияти очилди.
Бу ердан 11 дона дори ишлаб чиқариш станоги, 21 қолип, 389 кг кукун ва тайёр таблетка, шунингдек, “Урсосан”, “Нейромидин”, “Фаниқан” каби қалбакилаштирилган дорилар топилди.
Шунингдек, дорихоналардан 15 турдаги 1 067 қути қалбаки ҳамда 14 турдаги 274 қути муддати ўтган дори воситалари мусодара қилинди.
Ҳолат юзасидан жиноят иши қўзғатилиб, уч нафар шахсга нисбатан тергов олиб борилмоқда.
