Даъво сабаби Forbes журналидаги мақола асосида Усмоновга қарши санкциялар жорий этилгани. Мазкур мақолада Усмонов “Путинни ҳимоя қилгани ва бизнесдаги муаммоларини ҳал қилгани” иддао қилинади. Гамбург суди бу мақолани ноқонуний деб топган бўлса-да, “Форбес” суд қарорига апелляция берган. Нашр мақолани “факт эмас, балки муаллифлик фикри” сифатида ҳимоя қилмоқда.
Штайнхефелнинг сўзларига кўра, агар у апелляцияда ғалаба қозонса, навбат Европа Иттифоқи Кенгашига етади. Даъво санкциялар рўйхатига эмас, балки Кенгашни келажакда шунга ўхшаш, далилсиз баёнотлар асосида қарорлар қабул қилишдан тийилишига мажбурлашга қаратилган.
“Журналистнинг фикри асосида санкция қўллаб бўлмайди. Кенгаш эса манбаларни етарлича текширмай, матбуотдаги тасдиқланмаган хабарлар билан чекланмоқда”, — деди адвокат.
Шунингдек, Штайнхефел Усмоновга қўйилган “Украинани беқарорлаштиришни қўллаб-қувватлаган” деган айбловни ҳам инкор этмоқда. Унинг таъкидлашича, бу айблов фақатгина Усмонов Россия бюджетига солиқ тўлайдиган компания акцияларига эгалиги билан боғланган.
Эслатиб ўтамиз, Германиянинг Гамбург суди бунгача Усмоновнинг “Дилбар” яхтасига эгалик қилиши ҳақидаги даъволарни ҳам рад этиб, ушбу маълумотни тарқатишни тақиқлаган эди.
