Қишлоқ хўжалиги вазирлиги бу йилги йиғим-терим мавсумида терилган 1 килограмм пахта учун қанчадан тўланишини маълум қилди.
Қайд этилишича, машина ёрдамида терилган пахта учун – 1 373 сўм; қўл меҳнати билан терилган пахта учун – 2 000 сўм тавсиявий нарх белгиланди.
Қўшимча қилинишича, терим вақтида кластер, фермер хўжалиги раҳбарлари ва теримчилар ўртасида ўзаро келишув асосида терим нархи мустақил белгилаш амалиёти ҳам қўлланилиши мумкин.
“Пахта етиштириш харажатларини қоплаш мақсадида давлат бюджети ҳисобидан 1 килограмм пахта учун 1 000 сўм субсидия ажратилади.
Ушбу тартиб пахта етиштирувчилар манфаатини ҳимоя қилиш, теримчилар меҳнатини рағбатлантириш ва аграр соҳада барқарорликни таъминлашга қаратилган“, — дейилади хабарда.
Шунингдек, вазирлик ижтимоий тармоқларда тарқатилган "1 кг – 1 800 сўм" ҳақидаги хабар ҳақиқатга тўғри келмаслиги ва расмий ҳужжатлар билан тасдиқланмагани таъкидлаб ўтди.
