Qishloq xo‘jaligi vazirligi bu yilgi yig‘im-terim mavsumida terilgan 1 kilogramm paxta uchun qanchadan to‘lanishini ma’lum qildi.
Qayd etilishicha, mashina yordamida terilgan paxta uchun – 1 373 so‘m; qo‘l mehnati bilan terilgan paxta uchun – 2 000 so‘m tavsiyaviy narx belgilandi.
Qo‘shimcha qilinishicha, terim vaqtida klaster, fermer xo‘jaligi rahbarlari va terimchilar o‘rtasida o‘zaro kelishuv asosida terim narxi mustaqil belgilash amaliyoti ham qo‘llanishi mumkin.
“Paxta yetishtirish xarajatlarini qoplash maqsadida davlat byudjeti hisobidan 1 kilogramm paxta uchun 1 000 so‘m subsidiya ajratiladi.
Ushbu tartib paxta yetishtiruvchilar manfaatini himoya qilish, terimchilar mehnatini rag‘batlantirish va agrar sohada barqarorlikni ta’minlashga qaratilgan“, — deyiladi xabarda.
Shuningdek, vazirlik ijtimoiy tarmoqlarda tarqatilgan "1 kg – 1 800 so‘m" haqidagi xabar haqiqatga to‘g‘ri kelmasligi va rasmiy hujjatlar bilan tasdiqlanmaganligi ta’kidlab o‘tdi.
