Тошкент метрополитенининг Ўзбекистон мустақиллигининг 30 йиллиги йўналишидаги ёпилган бекатлар 2025 йил 18 октябрдан бошлаб яна йўловчиларга хизмат кўрсата бошлайди. Бу ҳақда “Тошкент метрополитени” матбуот хизмати хабар берди.
Маълум қилинишича, бекатлар режали профилактик ишлар сабабли ёпилган бўлиб, ҳозирда ушбу ишлар якуний босқичга кирган. Синов тариқасида йўловчиларсиз поездлар ҳаракати амалга оширилади ва муваффақиятли ўтгач, йўналиш тўлиқ қайта ишга тушади.
Эслатиб ўтамиз, “Технопарк”—“Янгиобод” бекатлари оралиғида 2 августдан бошлаб ҳаракат вақтинча тўхтатилган эди. Шу давр мобайнида йўловчилар учун “Технопарк”—“Қипчоқ”—“Технопарк” оралиғида бепул метробуслар ҳаракати йўлга қўйилган.
