Тошкент вилоятининг Паркент туманида юк машинаси юқори босимли газ қувурига урилиши натижасида газ сизиб чиқиш ҳолати юз берди. Шу сабабли бир нечта маҳаллаларда газ таъминоти вақтинча тўхтатилди.
Энергетика вазирлиги хабарига кўра, Паркент туманидаги юқори босимли газ қувурини юк машинаси уриб юборгани сабабли газ сизиб чиқиш ҳолати аниқланган.
Натижада туманнинг “Ёшлик”, “Марказий”, “Гулистон” ва “Оқ тепа” маҳаллалардаги 2415 та аҳоли хонадонлари ҳамда 56 та йирик истеъмолчида табиий газ таъминоти вақтинча тўхтатилган.
Ҳозирда туман газ таъминоти бўлимига қарашли авария-таъмирлаш бригадаси иш олиб бормоқда. Таъмирлаш ишлари якунлангач, газ таъминоти босқичма-босқич тикланиши билдирилди.
