Россиянинг Красноярск ўлкасидаги Боготол шаҳар касалхонасига шапито-циркида қоплон ҳужум қилгани туфайли қўлидан жароҳат олган аёл мурожаат қилди, деб хабар берди “Ria.ru” нашри.
Маҳаллий ОАВларнинг хабар беришича, воқеа шапито-циркида томоша ўтказилаётганда рўй берган. Томошага келган аёл олти ёшли ўғлини қоплондан ҳимоя қиламан, деб қўлидан жароҳат олган. Ўлка полицияси мазкур ҳодиса юзасидан суруштирув ишларини олиб бормоқда.
“Аёлнинг аҳволи ўртача оғирликда, унинг қўли бир неча жойдан тикилди. Беморни вилоят марказига юборишнинг ҳожати йўқ. Ҳозирда у касалхонада даволанмоқда”, деб маълумот берди ўлка соғликни сақлаш бошқармаси вакили.
