21 ноябрь куни Бангкокдаги IMPACT кўргазма ва конгресс марказида “Коинот гўзали – 2025” халқаро танловининг якуний босқичи бўлиб ўтди. Биринчи вице-мисс Таиланд вакиласи бўлди, кейинги ўринлар Венесуэла, Филиппин ва Кот-д’Ивуар иштирокчиларига насиб этди.
Фотима Бош ғолибликдан сўнг қилган нутқида аёллар ва қизларга ўз овозининг қудратига ишонишда илҳом бермоқчи эканини айтди. У шахсий ҳаёти ҳақида ҳам гапириб, “менинг ёнимда йигит йўқ, севги кутиши мумкин”, дея кулиб жавоб берди.
25 ёшли Фотима Иберо-америка университетида мода ва либослар дизайни бўйича таҳсил олган.
Танлов арафасида катта можаро ҳам қайд этилган: ташкилотчилардан бири Нават Ицарагрисил Фотимани ҳомийлик фотосессиясида қатнашмагани учун танқид қилиб, вазият кескинлашган. Кейинчалик у танлов жараёнидан четлатилган. Miss Universe президенти Раул Роча Канту бундай муносабатни қоралади.
