Хитойнинг жануби-ғарбида жойлашган Сйчуан провинциясида бир сайёҳ қоятош деворида 20 дан ортиқ қадимги динозавр изларини аниқлади. Кейинчалик уларнинг ҳақиқийлиги Хитой Геология фанлари университети тадқиқотчилари томонидан тасдиқланган.
Тадқиқот гуруҳи раҳбари Син Лиданинг айтишича, топилманинг энг муҳим жиҳати — излар бир нечта қатламларда сақлангани. Бу эса динозаврларнинг мазкур ҳудудда узоқ вақт яшаганини тахмин қилиш имконини беради.
Олимлар теропод — гўштхўр динозаврлар қолдирган излар, шунингдек, архозавр-рептилияларга хос хиротерий типидаги изларни аниқлаган. Излар яқинидан қазилма ёғоч қолдиқлари — йиқилган дарахтлар ва қадимий тик кесаклар ҳам топилган.
Мутахассисларнинг таъкидлашича, бу топилмалар ўша давр экотизими ҳақида қимматли маълумот беради ва Хитой ҳудудида динозаврлар эволюциясини чуқурроқ ўрганишга ёрдам беради.
