Хитойнинг Сичуань вилоятида бўлиб ўтган никоҳ маросимида семиз кўринишдан қўрққан келиннинг тўй либосини куёв кийди, деб хабар берди “Lenta.ru” нашри.
Шуай севгилиси Оу Цянни қўллаб-қувватлаш мақсадида у билан тўй либосини алмашди. Келин костюм-шимда, куёв эса оппоқ никоҳ кўйлагида меҳроб ёнига борди. Куёвга тўй либосига мослаб, пардоз қилинди.
“Биз роль алмашиб, бир-биримизни тушунишимизни, қўллаб-қувватлашимизни намойиш қилдик. Бу эр-хотин муносабатларидаги энг тўғри йўлдир”, деди Шуай. Тикувчи келин либосини куёвга мослаб тўғрилаб берди.
