Афсонавий Голливуд актёри Арнольд Шварцнеггер ўзининг Твиттер саҳифасига нонуштасини чумчуқ билан баҳам кўраётгани акс этган видеолавҳани жойлаштирди, деб хабар берди “Тvzvezda.ru”нашри.
Ижтимоий тармоқларда актёр стол атрофида ўтириб, нонушта қилаётгани акс этган. Ёнига учиб келган чумчуққа у нон бўлакларини тутган. Актёр ўзининг бу ҳаракатини “Нонуштамни бошқалар билан бирга баҳам кўришни ёқтираман”, деб изоҳлаган.
Видеоролик 1,7 минг ретвит ва 4,5 минг лайк тўплаган. Шварцнеггернинг ўзини ижтимоий тармоқлар фойдаланувчилари “ҳимоясиз ва оч-наҳор қушларнинг дўсти”, деб номлаган.
