2024 йил маълумотларига кўра, импортнинг ялпи ички маҳсулотга нисбати энг юқори бўлган ҳудуд — Гонконг ҳисобланади.
Бу ерда импорт ЯИМнинг 178 фоизини ташкил этган. Мутахассислар бунга Гонконгнинг йирик транзит ва қайта экспорт маркази эканини асосий сабаб сифатида кўрсатмоқда.
Шунингдек, Люксембург (160 фоиз), Сан-Марино (155 фоиз ) ва Сингапур (144%) каби молиявий ва савдо марказларида ҳам импорт улуши жуда юқори.
Рейтингдаги давлатларнинг аксарияти аҳолиси кам бўлган кичик мамлакатлар бўлиб, улар ички ишлаб чиқариш имкониятларининг чеклангани сабаб ташқи бозорларга таянишга мажбур.
Мутахассислар таъкидлашича, импортга юқори даражада боғлиқлик ҳар доим ҳам салбий ҳолат эмас, аммо бундай давлатлар глобал логистика, сиёсий муносабатлар ва халқаро бозор барқарорлигига жуда сезгир ҳисобланади.
