Берлиннинг рождество бозорида теракт содир қилишда айбланган шахс Италиянинг Милан шаҳрида отишмада отиб ўлдирилди, деб хабар берди “Mir24.tv” нашри.
19 декабрь куни Берлинда рождество бозори бўлаётган жойда юк машинаси оломонни босиб кетган. Оқибатда 12 киши ҳалок бўлган, 48 киши яраланган эди.
Немис ҳуқуқ-тартибот идораси ходимлари терактни тунислик 24 ёшли Анис Амри амалга оширганини аниқлади. Юк машинаси ичидан унинг бармоқ излари ва унга тегишли буюмлар борлиги аниқланган.
Теракт учун жавобгарликни “Ислом давлати” террорчилик гуруҳи ўз бўйнига олган.
