Эронда жабрланганлар орасида Ўзбекистон фуқаролари йўқ. Бу ҳақда Ташқи ишлар вазирлиги хабар қилди.
Теҳрондаги дипломатик ваколатхонага кўра, ҳозирда Эронда жами 81 нафар Ўзбекистон фуқароси бўлиб турибди. Шулардан:
8 нафари — дипломатик ваколатхоналар ходимлари;
9 нафари — Қум шаҳрида таҳсил олаётган талабалар;
55 нафари — Эрон ҳудудида доимий яшовчи фуқаролар;
9 нафари — хусусий сафар билан борганлар.
Элчихона ватандошлар билан доимий алоқада бўлиб турибди ва улар билан мунтазам мулоқотни таъминламоқда, дейилади хабарда.
