Маълум қилинишича, можаро кескинлашганидан буён бу тўртинчи ҳолат сифатида қайд этилмоқда.
Вазирлик баёнотида айтилишича, Эрон ҳудудидан учирилгани аниқланган баллистик ракета Туркия ҳаво ҳудудига кирган ва Шарқий Ўрта ер денгизида жойлаштирилган НАТОнинг ҳаво ҳужумидан ҳамда ракетага қарши мудофаа кучлари томонидан зарарсизлантирилган.
Эслатиб ўтамиз, аввалроқ Туркия Ташқи ишлар вазири Ҳоқон Фидан Эрондан мамлакатга йўналтирилган ракета юзасидан баёнот бериб, Теҳронни кескин огоҳлантирган эди. Шундан сўнг Эроннинг баллистик ракетаси иккинчи бор Туркия ҳаво ҳудудида уриб туширилди.
Шунингдек, Туркия Президенти Ражаб Тойиб Эрдўған мазкур ҳодиса бўйича Эрон Президенти Масъуд Пезешкиён билан телефон орқали мулоқот қилиб, Туркия ҳаво ҳудудини бузмасликка чақирган.
