Бекобод шаҳрида 5 март куни бир нечта вояга етмаган шахслар ўртасида оғзаки жанжал келиб чиққан. Можаро давомида улардан бири ошхона пичоғи билан жабрланувчининг ўнг ва чап кўкрак қисмига жароҳат етказган. Бу ҳақда Бош прокуратура матбуот котиби Ҳаёт Шамсутдинов Darakchi.uz'га маълум қилди.
Жабрланувчи тиббиёт муассасасига олиб борилган, бироқ кўрсатилган тиббий ёрдамга қарамасдан вафот этган.
Ҳолат юзасидан Ўзбекистон Бош прокуратураси томонидан Ўзбекистон Жиноят кодексининг 97-моддаси (қасддан одам ўлдириш) билан жиноят иши қўзғатилган. Пичоқ билан жароҳат етказишда гумонланаётган вояга етмаган шахс процессуал тартибда ушланган.
Ҳозирда тергов ҳаракатлари олиб борилмоқда.
