Яқин Шарқдаги можарони тугатиш шарти сифатида АҚШдан товон пули олиш ва Америка қўшинларини Кўрфаз мамлакатларидан олиб чиқиб кетишни талаб қилмоқда, деб хабар бермоқда “Дунё” АА “DW” телерадиокомпаниясига таяниб.
“Урушнинг тугаши ҳам бизнинг қўлимизда. Биз, биринчидан, АҚШ ҳаракатлари натижасида кўрилган барча йўқотишларни қоплаганимизда, иккинчидан, келажакка 100 фоиз кафолат берганимизда унинг якунланишига умид қиламиз, бу ҳам Америка қўшинларини Форс кўрфазидан олиб чиқмасдан иложсиз”, – деди қабул қилинаётган қарорларнинг сиёсий мақсадга мувофиқлигини аниқлаш бўйича кенгаш аъзоси (Эроннинг олий маслаҳат органи) генерал-майор Муҳсин Ризоий.
Бу ҳақда у Эрон мудофаа кенгаши котиби, адмирал Али Шамхоний билан видолашув маросими доирасида журналистлар билан мулоқот чоғида айтиб ўтди.
Унинг сўзларига кўра, АҚШнинг Форс кўрфазидаги иштироки сўнгги 50 йил ичида минтақадаги беқарорликнинг асосий сабабидир.
Эрон президенти Масъуд Пезешкиан аввалроқ, АҚШ ва Исроил Эроннинг қонуний ҳуқуқларини тан олса, товон тўласа ва келажакда ҳужум қилмасликка кафолат берса, ҳаммаси тугаши мумкинлигини айтган эди.
Ливаннинг “Al Mayadeen” телеканали маълумотларига кўра, Теҳрон, Эроннинг атом энергетикаси объектларида тўлиқ ядровий ёқилғи циклини амалга ошириш ҳуқуқини тан олишни талаб қилмоқда. Шу билан бирга, Америка қўшинларини Кўрфаз мамлакатларидан олиб чиқиш талаби илгари очиқ эълон қилинмаган.
АҚШ президенти Дональд Трамп “NBC News” телеканалига берган интервьюсида Эрон урушни тўхтатиш учун келишув тузишни истаётганини, бироқ “шарт-шароитлар етарлича яхши эмаслиги сабабли” ҳозирча буни истамаётганини айтди. Шунингдек, у Эроннинг янги олий раҳбари “умуман тирик” эканига шубҳа билдирди.
Эслатиб ўтамиз, 28 февралдан буён АҚШ ва Исроилнинг Эронга уюштирган ҳужумлари оқибатида камида 1444 киши ҳалок бўлган, 18 минг 551 киши яраланган. Исроилда Эрон ҳужумлари оқибатида камида 15 нафар исроиллик ҳалок бўлди, 2 мингдан ортиқ киши яраланди.
АҚШ ҳарбийлари бутун минтақа бўйлаб Эрон ҳужумлари оқибатида 11 киши ҳалок бўлганини тасдиқлади. Шу билан бирга, Ироқ ғарбида Американинг ёқилғи қуйиш самолёти қулаши оқибатида экипажнинг олти аъзосидан тўрт нафари ҳалок бўлди.
