АҚШ президенти Дональд Трамп Исроил бош вазири Бенямин Нетаньяхудан Эроннинг нефть ва газ объектларига ҳужум қилмасликни сўраганини маълум қилди. Бу ҳақда Zamon.uz маълум қилди.
Унинг айтишича, Исроил раҳбари бу илтимосга рози бўлган.
Трамп бу ҳақда Оқ уйда Япония бош вазири Санаэ Такаичи билан учрашув чоғида гапирган.
АҚШ президенти икки давлат ўртасидаги ҳамкорлик яхши эканини таъкидлаб, айрим вазиятларда Исроил мустақил қарорлар қабул қилиши мумкинлигини ҳам қайд этган.
“Биз жуда яхши чиқишамиз. Кўп масалалар келишиб олинган. Баъзан у бирор иш қилиши мумкин, аммо агар бу бизга маъқул келмаса, буни қилмайди”, — деди Трамп.
Аввалроқ Исроил ҳарбийлари Эрон жанубидаги йирик энергетика лойиҳаларидан бири — South Pars gas field ҳудудига зарба бергани ҳақида хабарлар тарқалган эди. Мазкур ҳужум натижасида коннинг айрим объектларида иш вақтинча тўхтатилгани маълум қилинган.
