Ҳозирча полиция АҚШнинг бир неча савдо марказларида рўй берган оммавий тартибсизликларнинг сабабини аниқлай олгани йўқ, деб хабар берди “Regnum.ru” нашри.
Шимолий Каролинадаги савдо марказидаги оммавий тўполондан кейин Коннектикут, Манчестер, Огайо савдо марказларида ҳам жанжал кўтарилгани ҳақидаги хабарлар тарқалди.
Полициянинг маълумот беришича, безорилар билан бўлган “жанг”да полициячилар ҳам иштирок этган ва бир неча одам қўлга олинди. Манчестер шаҳрида бўлган “жанг”да юзга яқин ўсмир қатнашгани туфайли савдо марказидаги одамлар эвакуация қилинди. Огайодаги жанжални босиш учун полициячилар кўздан ёш оқизувчи газдан фойдаланишга мажбур бўлди. Гувоҳларнинг хабар беришича, ўқ овозини эшитган савдо марказидаги харидорлар воқеа жойидан тезроқ қочишга ҳаракат қилган.
Бундай жанжал-тўполонларга савдо марказларидаги байрам туфайли нархи арзонлашган буюмларни сотиб олиш учун ўсмирларнинг уларни талашганлиги сабаб бўлгани тахмин қилинмоқда.
