АҚШ президенти Барак Обама кўзини ёшлатувчи нарсалар ҳақида гапирди. Бу ҳақда у CNN телеканали мухбирига сўзлаб берди.
Сиёсатчининг сўзларига кўра, унинг кўзларига ёш келтирувчилар бу унинг қизлари ва жамоаси.
“Мен қизларим ҳақида гапирганда ёки уларни кўрганда кўзим ёшланиши мумкин. Бунга яна бир сабаб—менинг жамоам.
2012 йилда сайловолди кампанияси офисига кирдим ва жамоамни кўрдим, улар тиришқоқлик билан ишлашар эди. Улар мени илҳомлантирган эди. Ўтган йиллар мобайнида биз бир,катта оилага айландик”,—дейди Барак Обама.
Обаманинг айтишича, жамоасининг бир неча ходимлари унинг кўз ўнгида ўсиб-улғайган. Улар йиллар мобайнида ўз ишининг устасига айланган, оила қурган. Бироқ Обама улардан биронтаси ҳам фарзандларини президент шарафига номламаганини ҳам хазил тариқасида айтиб ўтган.
“Уларнинг фарзандлари хонамда эмаклаб юришади. Бироқ улардан биронтаси ҳам фарзандларига Барак деб исм қўймади. Бундан бироз хафаман”,—дейди президент.
8 ноябрь куни ўтказилган сайлов натижаларига кўра, АҚШнинг навбатдаги президенти Дональд Трамп бўлади. Президент инаугурацияси 20 январда бўлиб ўтиши режалаштирилган.
