Барак Обаманинг АҚШ президентлиги лавозимидан озод этилиши муносабати билан Оқ уйда ўтказган хайрлашув оқшомига дунёга машҳур Бейонсе, Роберт Де Ниро, Пол Маккартни ва Jay-Z лар ташриф буюрди, деб хабар берди “Тvzvezda.ru” нашри.
Хайрлашув оқшоми маҳаллий вақт билан 20:30 да бўлиб ўтди. Юқорида номлари санаб ўтилган машҳурлардан ташқари тадбирда Стивен Спилберг, Жорж Клуни ва телебошловчи Опра Уинфрилар ҳам иштирок этди.
“Мен Оқ уйни тарк этишдан олдин хайрлашув кечаси ўтказишни режалаштирдим”, - деди Барак Обама.
Нашр Барак Обаманинг лавозимидан кетиши муносабати билан уюштирилган кечага жуда кўплаб машҳурлар йиғилганлигини, Дональд Трампнинг инаугурациясига ҳам бунчалар кўп машҳурлар келиши даргумонлигини таъкидлаган.
