Ижтимоий тармоқ фойдаланувчилари Линдси Лоханнинг Instagram-аккаунтидан ўзининг барча эски суратларини олиб ташлаб, мусулмонларнинг анъанавий саломлашиши бўлган, яъни “Алейкум салом”, деб ёзганлигига эътибор қаратишди, дея хабар берди “Lenta.ru” нашри.
Натижада Twitter фойдаланувчилари уни ислом динини қабул қилганликда гумон қилишди. Бутун дунё мусулмон аҳли эса Линдси Лоханни ислом динини қабул қилгани, янги ҳаёт бошлагани билан муборакбод этди.
“Менинг табригимни қабул этинг! Сиз янги ҳаётга қадам қўйдингиз. Бу бутун дунё мусулмонлари учун жуда қувончли хабардир. Оллоҳ сизнинг бу йўлдаги қийинчиликларини енгиллаштирсин!”, деб ёзди мусулмон фойдаланувчиларидан бири.
Баъзи бир ижтимоий тармоқлар фойдаланувчиларининг бу ҳолатдан энсаси қотиб, актрисанинг мазкур ҳаракатидан норози бўлишди. “Линдси Лоханга нима бўлган? Балки бу ҳазилдир? Ё ростми? Балки кимдир унинг аккаунтини бузиб киргандир?” деб савол берди ҳайрон бўлган актрисанинг мухлисларидан бири.
Ўтган йилнинг декабрь ойида актриса кўнгиллилар қаторида Туркиядаги суриялик қочоқларнинг лагерига боришга қарор қилганди. “Ҳеч қандай ҳужум мени бу йўлдан қайтара олмайди, жабрланганларга ёрдам беришни ўз бурчим деб биламан!”, деган эди Линдси Лохан
Актрисанинг аккаунтидаги янгиликларни беш миллиондан ортиқ одам кузатиб боради.
