Тошкентдаги тўйлардан бирида куёвнинг келин учун тайёрлаган рақси акс этган видео ижтимоий тармоқларда кенг тарқалмоқда. Мазкур видеода куёв тўйга ташриф буюрган дўстлари билан биргаликда ажойиб ва ноодатий тарзда рақсга тушганини кўриш мумкин. Қайд этиш жоизки, бундай ҳолат Ўзбекистондаги тўйларда илк маротаба учраши.
Куёв жаҳон эстрадасидаги энг хит тароналар садолари остида келиннинг қаршисида рақсга тушган, келин эса бу манзарани завқ билан томоша қилган.
Facebook ижтимоий тармоғига жойланган видеога интернет фойдаланувчилари ўз фикрларини ёзиб қолдирган. Аксарият интернет фойдаланувчилари куёвнинг рақсига нисбатан ижобий фикр билдирмоқда.
“Жуда яхши фикр. Тўй келин ва куёвники бўлиши керак. Бир марта тўй бўлади шу сабабли келин-куёв ўйнаб-кулиб, тўйини шод-хуррамлик билан ўтказиши керак”,—деб ёзади фойдаланувчилардан бири.
Мазкур изоҳларга куёвнинг ўзи ҳам қуйидагича жавоб ёзган:
“Шунчаки, кимдир учун эмас, рафиқам учун чин дилдан ҳаракат қилдим. Дўстларимга ташкилий ишлар учун миннатдорчилик билдираман. Ўйлашимча, 6 соат репетициядан сўнг рақс кўнгилдагидек чиқди. Видеони кимдир Facebook`га жойлаштиради, деб ўйламагандим. Рақсим кимгадир ёққан бўлса, хурсандман! Ҳаммага раҳмат!”.
Маълум бўлишича, мазкур видеодаги келин-куёвнинг исми Алишер ва Камола. Тўйнинг қайси ресторанда ва қачон бўлгани эса номаълум.
Рақс сўнгида куёв ва унинг дўстлари келинга шардан ясалган гуллар тақдим этиб, даврага келинни ҳам таклиф қилишди.
Қуйида мазкур видеони томоша қилишингиз мумкин.
17.11.2023, 09:49
3 йилдан бери “Баркамол авлод” болалар мактабининг робототехника тўгарагига қатнайдиган Озодбек Ҳошимов одамларни ис газидан сақлаб қоладиган ихтиро яратди. Бу ҳақда Мактабгача ва мактаб таълими...16.11.2023, 12:40
Аввалроқ, Тошкент вилоятидаги тўйда вертолётдан фойдалангани акс этган видео тармоқларда тарқалган эди. Тошкент вилояти ИИББ Йўл ҳаракати хавфсизлиги бошқармаси мазур ҳолат бўйича маълумот тақдим этди. Маълум қилинишича, ИИББ...10.11.2023, 12:45
Пойтахт марказида қурилган янги кўп қаватли уй ҳали эгаларига топширилмасданоқ куни кеча ёғиб ўтган ёмғирдан сўнг даҳшатли манзара касб этиб қолди. 11 қаватли уйнинг зиналари...04.11.2023, 12:37
Фарғонада янги туғилган чақалоқ ташлаб кетилди. "Замон" дастурида мазкур ҳодиса бўйича тафсилотлар маълум қилинди.Маълум бўлишича, Фарғона тумани Юқори арча МФЙ ҳудудидаги катта далага янги туғилган,...