Ўзбекистонлик ФИФА ва ОФК инструктори Фарҳод Абдуллаев Малайзия пойтахти Куала-Лумпур шаҳрида бўлиб ўтган назоратчи ҳакамлар семинарида ОФК маслаҳатчиси сифатида иштирок этди.
17–19 январь кунлари бўлиб ўтган семинарда Осиё қитъасидан жами 76 нафар назоратчи ҳакам қатнашди. Тадбирни ўтказишдан асосий мақсад – назоратчи ҳакамларни янги маълумотлар билан таништириш, уларнинг билимини синовдан ўтказиш ҳамда 2017 йилги мавсум учун керакли материаллар билан таъминлашдан иборат.
Семинарнинг биринчи кунида назоратчи ҳакамларга ҳисобот ёзиш борасида тушинтиришлар олиб борилди ҳамда уларнинг масъулияти нимадан иборат экани айтилди. Шунингдек, семинар давомида инглиз тилидан тест ҳамда учрашувдан сўнг рўй бериши мумкин бўлган вазиятлар сценарийси бўлиб ўтди.
Бундан ташқари, назоратчи ҳакамларни замонавий футбол трендлари билан янада яхшироқ таништириш мақсаида жамоа тактикалари борасида дарслар ўтказилди. ФИФА ва ОФК инструктори ҳисобланган Фарҳод Абдуллаев ўз билим ва кўникмалари билан ўртоқлашди.
Маълумот ўрнида, Фарҳод Абдуллаев ўтган йилнинг 1 ноябридан бошлаб ОФК ҳакамлар департаментининг техник эксперти сифатида иш бошлаган.
