International Hotel Tashkent меҳмонхонасида 2017-2021 йилларда Ўзбекистон Республикасини ривожлантиришнинг бешта йўналишлари бўйича Ҳаракатлар стратегияси лойиҳасининг жамоатчилик муҳокамасига бағишланган медиа-ҳафталикнинг илк куни ниҳоясига етди.
Медиа-ҳафталик дастури мазмунан икки қисмга бўлинган, ундан ҳаракат стратегиясининг бешта йўналиши тақдимотлари, брифинглар, матбуот анжуманлари, ток-шоулар ўрин олган.
5 кун давом этадиган медиа-ҳафталикдда иштирокчилар ўз фикр-мулоҳазалари билан ўртоқлашиш, Ҳаракат стратегиясининг лойиҳаси ва аҳамияти ва мазмунини муҳокама қилиш имконига эга бўлишади ҳамда бу борада аҳолига тушунтиришлар беришади.
Ҳафталикнинг илк кунида Ҳаракат стратегияси лойиҳасининг “Давлат ва жамият қурилиши тизимини такомиллаштиришнинг устувор йўналишлари” муҳокама этилиб, иштирокчилар томонидан таклиф ва мулоҳазалар берилди.
Медиа-ҳафталик 27 январга қадар ўз ишида давом этади.
