Тошкентдаги International Hotel Tashkent меҳмонхонасида 2017-2021 йилларда Ўзбекистон Республикасини ривожлантиришнинг бешта йўналишлари бўйича Ҳаракатлар стратегияси лойиҳасининг жамоатчилик муҳокамасига бағишланган медиа-ҳафталик тадбирлари давом этмоқда. Ушбу ҳафталик доирасида муҳокамаларда чет-л вакиллари ҳам иштирок этишмоқда.
Винод КУМАР, Ҳиндистоннинг Ўзбекистондаги элчиси:
– Мен бугун 2017-2021 йилларда Ўзбекистон Республикасини ривожлантиришнинг бешта йўналишлари бўйича Ҳаракатлар стратегияси лойиҳасининг жамоат муҳокамасида иштирок этаётганимдан мамнунман.
Ўйлашимча, дастлабки ишлар амалга ошириб бўлинган. Ушбу медиа-ҳафталикнинг ташкил этилиши жуда яхши ғоя бўлди ва бу нарса албатта Президент Шавкат Мирзиёев ташаббуси билан ишлаб чиқилган лойиҳага ўзининг катта ҳиссасини қўшади ва Ўзбекистонни келгуси ривожида мустаҳкам пойдевор бўлади. Бугун бу ерда турли соҳа вакиллари билан кўришиб турганимдан жуда мамнунман, ушбу тадбирга халқаро ташкилот вакиллари ҳамда дипломатларнинг таклиф этилганлиги лойиҳа билан янада яқинроқ танишиш имконини берди.
Мазкур лойиҳа ҳукуматни бошқаришга халқни янада кўпроқ жалб қилишда ва бу жараёнга уларни иштирокини таъминлашда жуда яхши ғоя саналади.
