Осиё Чемпионлар Лигаси–2017 турнирининг ўтиш босқичида “Насаф” жамоаси 4:0 ҳисобида Баҳрайннинг “Ал-Ҳидд” клубини мағлубиятга учратди. Ўйиндан кейин ташкил этилган матбуот анжуманининг биринчи қисмида “Ал-Ҳидд” устози Муҳаммад Ал-Шамлан иштирок этди.
“Насаф” жамоасини бугунги ғалаба билан табриклайман. Рақиб кучли ўйин намойиш қилди ва керакли натижага эришди. Биз учрашув бошидан ўйин тизгинини йўқотдик, натижада эса йирик мағлубиятниқабул қилдик. “Насаф” билан савиф жиҳатида бир хил эканимиз ҳақида айтган гапларим ҳазил эди, бу футболчиларимни руҳиятини кўтариш учун айтилган гаплар. “Насаф” ҳеч қандай имконият қолдирмади ва ҳақли равишда ғалаба қозонди. Футболда ҳатто “Реал” ҳам мағлубиятга учрайди, шунинг учун бундан фожиа ясаш керак эмас. Ўз устимизда кўпроқ ишлашими керак”, – деди Муҳаммад Ал-Шамлан.
Эслатиб ўтамиз, мазкур ғалабадан кейин “Насаф” жамоаси плей-офф босқичига йўл олди. Қаршиликлар гуруҳ босқичи йўлланмаси учун 7 февраль куни сафарда Саудия Арабистонининг “Ал-Фотиҳ” клубига қарши куч синашади.
