Бугун, 1 февраль куни Миллий олимпия қўмитаси мажлислар залида Ўзбекистон Миллий Паралимпия Ассоциациясининг ҳисобот-сайлов Бош Ассамблеяси йиғилиши бўлиб ўтди. Бу ҳақда МОҚ матбуот хизмати маълум қилди.
Унда 2013-2016 йиллар давомида Ассоциация томонидан амалга оширилган ишлар юзасидан ҳисобот берилди ҳамда Ассоциация раҳбарияти ва Ижроия қўмитасининг янги таркиби сайланди.
Бош Ассамблеяда Ўзбекистон Миллий Паралимпия Ассоциацияси раиси лавозимига Улуғбек Жалолович Суннатов, Ассоциация раисининг биринчи ўринбосари этиб Умид Махаматджанович Аҳмаджонов, раис ўринбосарлари этиб Баходир Маджидович Аҳмедов, Асатилла Хожимуратович Салимов ва Мухторхон Махсудович Ташходжаевлар бир овоздан сайланишди.
